मराठी कविता
—————— १ शिव-दर्शन.
कवी – मच्छिंद्र माळी पडेगांव औरंगाबाद .
कैलासावरी नांदतो शिवशंकर |
त्याच्या दर्शना जाऊ लवकर |धृ |
आहे भोळा तो महादेव फार |
मना येई तसा तो देई वर |
म्हणुनी देवांना संकटे आली फार |१|
मातले जेव्हां भुवरी राक्षस |
संकट पडले सर्व देवांस |
घेऊ लागले तेव्हां शिव अवतार |२|
जटामध्ये गंगा अर्धांगी गौरी |
पाव रे आम्हां उमा प्रियकरा |
निळकंठाचा आहे अधिकार मोठा |३|
मातले जगी या दुर्जन फार |
धर्माच्या नांवे चाले भ्रष्टाचार |
घ्यावा चंद्रमौळी तु आता अवतार |४|
विनंती करी राधासुत पाया |
यावे देवा संत,धर्म रक्षाया |
करा दासावर ईतका ऊपकार |५|
°°°•••°°°•••°°°•••°°°•••°°°•••°°°